Կապան, որտեղ տեսնում ես քո ապագան

Կկառուցենք բազմաֆունկցիոնալ համալիր բոլոր տարիքային խմբերի համար՝ միավորելով սպորտը, մշակույթը, կրթությունն ու ընտանեկան հանգիստը։

Մշակութային և կրթական ենթակառուցվածքներ

• Մինչև 1500 հանդիսատեսի համար համերգային և մշակութային դահլիճ՝ ժամանակակից բեմով, մասնագիտական լուսաձայնային համակարգերով և տեխնիկական հագեցվածությամբ։
• Պարային և ստեղծագործական սրահներ, երաժշտական ու ձայնագրման ստուդիա։
• Ցուցահանդեսների, կոնֆերանսների, հանդիպումների և կրթական միջոցառումների տարածքներ։

Սպորտային ենթակառուցվածքներ

• Առանձին բազմաֆունկցիոնալ մարզադահլիճ՝ ֆուտզալի, բասկետբոլի, վոլեյբոլի և այլ մարզաձևերի մարզումների ու մրցումների համար՝ հանդիսատեսի նստատեղերով։
• Մեկ բացօթյա թենիսի և մեկ պադելի խաղադաշտ։
• Փակ լողավազան՝ երեխաների և մեծահասակների համար։

Ընտանեկան հանգիստ և ժամանց

• Մանկական խաղահրապարակ և կանաչապատ հանգստի գոտի։
• Կենտրոնական հրապարակ՝ շատրվանով, զբոսանքի ու հանգստի հատվածներով։
• Սրճարանային և սպասարկման տարածքներ, հեծանվային ու հետիոտնային ուղիներ։
• Ընդարձակ ավտոկայանատեղի։
• Համալիրում կապահովենք անվճար կամ արտոնյալ մանկապատանեկան մարզական և ստեղծագործական խմբակներ՝ տարբեր սոցիալական խմբերի ընտանիքների համար։

KAPAN ARENA-ն հնարավորություն կտա Կապանում անցկացնել հանրապետական ու տարածաշրջանային միջոցառումներ, զարգացնել երեխաների և երիտասարդների ունակությունները, ընդլայնել ընտանեկան ժամանցը։ Այցելուների ներգրավումը կնպաստի զբոսաշրջության, հյուրանոցային ու սպասարկման ոլորտների զարգացմանը և նոր աշխատատեղերի ստեղծմանը։

Ամբողջությամբ կվերակառուցենք Գարեգին Նժդեհի լիճն ու հարակից տարածքը՝ ստեղծելով շուրջտարյա հանգստի կենտրոն՝ ամռանը ջրային ժամանցով, ձմռանը՝ ձմեռային այգով։

• Ամառային գոտի՝ ջրային ատրակցիոններ, մանկական ջրային խաղահրապարակներ, ընտանեկան հանգստի ու արևային լոգանքների տարածքներ, կանաչապատ և ստվերային հատվածներ, սրճարաններ ու սպասարկման տարածքներ։
• Ձմեռային այգի՝ բացօթյա սահադաշտ, տոնական լուսավորություն ու ձևավորում, ընտանեկան միջոցառումներ, տոնավաճառներ և մշակութային ծրագրեր։
• Կապանի բնակիչները կունենան տեղում հանգստանալու նոր հնարավորություն, իսկ նախագիծը կնպաստի այցելուների ներգրավմանը և փոքր բիզնեսի ակտիվացմանը։

Կիրականացնենք բազմաբնակարան շենքերի արդիականացման համալիր ծրագիր՝ ուղղված բնակիչների անվտանգության, հարմարավետության և բնակարանային պայմանների բարելավմանը։

• Տանիքների վերանորոգում՝ կիրականացվի չվերանորոգված և վնասված տանիքների հիմնանորոգում։
• Շքամուտքերի բարեկարգում՝ կներդրվի համայնքային համաֆինանսավորման ծրագիր՝ շքամուտքերի ամբողջական վերանորոգման համար։
• Վերելակների փոխարինում՝ բոլոր հին վերելակները կփոխարինվեն ժամանակակից, անվտանգ և էներգախնայող վերելակներով։
• Շենքերի ջերմամեկուսացում՝ համայնքային համաֆինանսավորմամբ կիրականացվեն շենքերի ջերմամեկուսացման և էներգաարդյունավետության բարձրացման աշխատանքներ։

Կիրականացնենք հետիոտնային ենթակառուցվածքների բարելավման ծրագիր՝ առաջնահերթություն տալով բնակիչների անվտանգ և հարմարավետ տեղաշարժին։

• Վերգետնյա հետիոտնային անցումների կառուցում՝ առավել բանուկ և երթևեկության բարձր ինտենսիվություն ունեցող հատվածներում՝ ապահովելով հետիոտների անվտանգ տեղաշարժը։
• Անցումների մատչելիություն՝ նոր անցումները կհարմարեցվեն երեխաների, տարեցների, հաշմանդամություն ունեցող և սահմանափակ շարժունակությամբ անձանց կարիքներին։
• Մայթերի և հետիոտնային ուղիների բարեկարգում՝ կապահովենք անվտանգ, հարմարավետ և անխոչընդոտ տեղաշարժ։
• Հետիոտների անցումների անվտանգության բարձրացում՝ առավել վտանգավոր հատվածներում կներդրվեն երթևեկության անվտանգության լրացուցիչ լուծումներ։
• Խելացի երթևեկության կառավարում՝ կներդնենք արհեստական բանականության կիրառմամբ համակարգեր, որոնք իրական ժամանակում կվերլուծեն երթևեկության հոսքերը, կօգնեն որոշել կայանման օպտիմալ վայրերը և անհրաժեշտության դեպքում սահմանել առանձին փողոցներում կայանման ժամային սահմանափակումներ՝ նվազեցնելով խցանումները և բարձրացնելով երթևեկության անվտանգությունը։

Գյուղական բնակավայրերի համաչափ զարգացումն ապահովելու նպատակով կներդնենք գյուղական բնակավայրերի զարգացման տարեկան նպատակային ֆինանսավորման ծրագիր։

• Տարեկան երաշխավորված ֆինանսավորում՝ համայնքային բյուջեում յուրաքանչյուր գյուղական բնակավայրի առաջնահերթ խնդիրների լուծման համար կնախատեսվեն առանձին ֆինանսական միջոցներ։
• Ենթակառուցվածքների բարելավում՝ կվերանորոգվեն ներբնակավայրային ճանապարհները, ջրամատակարարման համակարգերը և հանրային տարածքները։
• Բնակիչների մասնակցություն՝ առաջնահերթ ծրագրերը կորոշվեն բնակիչների հետ քննարկումների արդյունքում։
• Համաչափ զարգացում՝ ֆինանսավորման չափը կորոշվի՝ հաշվի առնելով բնակավայրի բնակչության թիվը, առկա խնդիրները և զարգացման կարիքները։

Կկառուցենք արդի քաղաքաշինական նորմերին համապատասխան նոր մանկապարտեզներ և կընդլայնենք գործող հաստատությունների հնարավորությունները՝ ապահովելով նախադպրոցական կրթության հասանելիությունը համայնքի բոլոր բնակավայրերի երեխաների համար։

• Նոր մանկապարտեզների կառուցում՝ քաղաքի և գյուղական բնակավայրերի այն հատվածներում, որտեղ առկա է տեղերի պակաս։
• Գործող մանկապարտեզների ընդլայնում՝ անհրաժեշտության դեպքում նոր խմբերի բացում և լրացուցիչ տեղերի ստեղծում։
• Մանկապարտեզից դուրս մնացած երեխաների ընդգրկում՝ հերթացուցակների կրճատում և նախադպրոցական կրթության հասանելիության ապահովում։
• Ժամանակակից պայմաններ՝ անվտանգ, բարեկարգ և ներառական միջավայրի ստեղծում երեխաների զարգացման համար։

Կընդլայնենք արտադպրոցական կրթության, մշակութային և մարզական խմբակների հնարավորությունները՝ ապահովելով դրանց հասանելիությունը համայնքի բոլոր երեխաների համար։

• Անվճար և անվտանգ տեղափոխում՝ քաղաքի հեռավոր թաղամասերից և գյուղական բնակավայրերից երեխաների մասնակցությունն ապահովելու համար։
• Խմբակների ընդլայնում՝ գործող խմբակներում նոր խմբերի բացում և լրացուցիչ տեղերի ստեղծում։
• Մրցույթների և մրցաշարերի մասնակցություն՝ աջակցություն հանրապետական և միջազգային մրցույթներին, փառատոներին ու մարզական առաջնություններին մասնակցելու համար։
• Ժամանակակից պայմաններ՝ անվտանգ, բարեկարգ և ներառական միջավայրի ապահովում երեխաների զարգացման համար։

Զբոսաշրջային գրավչությունը բարձրացնելու նպատակով կներդնենք զբոսաշրջային ենթակառուցվածքների պարտադիր, պարբերական սպասարկման և ամենամյա բարեկարգման համակարգ։

• Ամենամյա բարեկարգում՝ զբոսաշրջային վայրերի, տեսարժան վայրեր տանող ճանապարհների, արահետների և հարակից տարածքների պարբերական նորոգում ու բարեկարգում։
• Պարտադիր սպասարկում՝ զբոսաշրջային ենթակառուցվածքների մաքրության, անվտանգության և պատշաճ վիճակի ապահովում ամբողջ տարվա ընթացքում։
• Զբոսաշրջային հարմարությունների զարգացում՝ տեղեկատվական ցուցանակների, հանգստի գոտիների և անհրաժեշտ սպասարկման ենթակառուցվածքների տեղադրում ու պահպանում։

Կապահովենք համայնքային հասարակական տրանսպորտից անվճար օգտվելու հնարավորություն թոշակառուների և մինչև 12 տարեկան երեխաների համար՝ նպաստելով նրանց տեղաշարժի մատչելիությանը և ընտանիքների ծախսերի նվազեցմանը։

Կստեղծվի «Թափառող կենդանիների վնասազերծման կենտրոն» համայնքային ոչ առևտրային կազմակերպություն, որը, գործունեության արդյունավետ ապահովման նպատակով անհրաժեշտ դեղորայք ձեռք բերելու համար կունենա ՀՀ առողջապահության նախարարի համապատասխան հրամանով նախատեսված լիցենզիա, միաժամանակ, հրատապ դեպքերի համար կազմակերպությունում կգործարկվի շուրջօրյա «թեժ գիծ» հեռախոսահամար։

Տնտեսական ակտիվությունն ու նոր աշխատատեղերի ստեղծումը խթանելու նպատակով կներդնենք ներդրողների և գործող ձեռնարկությունների հետ աշխատանքի հստակ համակարգ։

• Ներդրումային հնարավորությունների ներկայացում՝ կկազմենք և կհրապարակենք համայնքի ներդրումային առաջարկները՝ հասանելի տարածքների, ենթակառուցվածքների և զարգացման հնարավորությունների վերաբերյալ տեղեկություններով։
• Ներդրողների աջակցություն՝ համայնքապետարանում կապահովենք պատասխանատու մասնագետի միջոցով խորհրդատվություն և համայնքային ընթացակարգերի հարցում աջակցություն։
• Տեղական բիզնեսի հետ կանոնավոր հանդիպումներ՝ գործարարների հետ կքննարկենք առկա խնդիրները և համայնքի լիազորությունների շրջանակում դրանց լուծման հնարավորությունները։
• Փոքր և միջին բիզնեսի զարգացման աջակցություն՝ կօգնենք ձեռնարկատերերին տեղեկանալ և դիմել պետական ու այլ աջակցության ծրագրերին՝ համագործակցելով համապատասխան կառույցների հետ։

Բնակարանային ֆոնդի ընդլայնման և երիտասարդ ընտանիքների բնակարանային պայմանների բարելավման նպատակով, կաջակցենք նոր բազմաբնակարան շենքերի կառուցմանը, մատչելի պայմաններով բնակարանների ձեռքբերմանը և գյուղական բնակավայրերում նոր բնակելի թաղամասերի կառուցմանը

• Նոր շենքերի կառուցման խթանում՝ կհամագործակցենք կառուցապատողների և ներդրողների հետ՝ նոր բնակելի շենքերի կառուցման ծրագրեր իրականացնելու համար։
• Համայնքային աջակցություն՝ համայնքի լիազորությունների և հնարավորությունների շրջանակում կաջակցենք կառուցապատման համար համապատասխան տարածքների ընտրությանը և անհրաժեշտ ենթակառուցվածքների ապահովմանը։
• Մատչելի բնակարաններ երիտասարդ ընտանիքների համար՝ կառուցապատողների և ֆինանսական կառույցների հետ համատեղ կմշակենք ծրագիր՝ շուկայականից ցածր գնով կամ վճարման արտոնյալ պայմաններով բնակարանների ձեռքբերման հնարավորություններ ստեղծելու համար։
• Աջակցության հստակ և թափանցիկ պայմաններ՝ ծրագրի շահառուների ընտրությունը կիրականացվի նախապես հրապարակված չափանիշներով՝ ապահովելով արդար և հավասար հասանելիություն։

Կապանի տնտեսական հնարավորություններն ընդլայնելու նպատակով կաջակցենք զբոսաշրջության, տեղական արտադրության և գյուղական ձեռնարկատիրության զարգացմանը։

• Կապանի զբոսաշրջային ճանաչելիության բարձրացում՝ համայնքի տեսարժան վայրերի, զբոսաշրջային երթուղիների և միջոցառումների միասնական ներկայացում ու հանրայնացում։
• Տեղական արտադրողների աջակցություն՝ տոնավաճառների և ցուցահանդեսների կազմակերպում՝ տեղական արտադրանքի ներկայացման ու վաճառքի հնարավորություններն ընդլայնելու համար։
• Գյուղական ձեռնարկատիրության խթանում՝ գյուղատնտեսությամբ, վերամշակմամբ և գյուղական զբոսաշրջությամբ զբաղվող բնակիչներին խորհրդատվության ու գործող աջակցության ծրագրերի հասանելիության ապահովում։
• Մասնագիտական պատրաստվածության և աշխատանքի կապ՝ գործատուների ու կրթական հաստատությունների հետ համագործակցություն՝ աշխատաշուկայի պահանջներին համապատասխան ուսուցման և պրակտիկայի հնարավորություններ ստեղծելու համար։

Կապանի երեխաների և երիտասարդների համար կստեղծենք կրթության, ինքնազարգացման և համայնքային կյանքին մասնակցելու ավելի լայն հնարավորություններ։

• Երիտասարդական նախաձեռնությունների ֆինանսավորում՝ համայնքային բյուջեում կնախատեսենք տարեկան նպատակային միջոցներ՝ երիտասարդների կրթական, մշակութային, բնապահպանական և համայնքային նախագծերին միկրոդրամաշնորհներ տրամադրելու համար։ Կապահովենք մասնագիտական խորհրդատվություն, իսկ ֆինանսավորվող նախագծերը կընտրվեն բաց և մասնակցային քվեարկությամբ։
• Մասնագիտական կողմնորոշում՝ կրթական հաստատությունների և գործատուների հետ հանդիպումների, գործնական դասընթացների ու փորձի փոխանակման կազմակերպում։
• Երիտասարդների մասնակցություն՝ համայնքային որոշումների և ծրագրերի քննարկումներում երիտասարդների ներգրավման կանոնավոր հարթակի ստեղծում։

Կապանի մշակութային և մարզական կյանքը կդարձնենք ավելի ակտիվ ու հասանելի տարբեր տարիքի բնակիչների համար։

• Մշակութային միջոցառումների տարեկան ծրագիր՝ համերգների, ներկայացումների, ցուցահանդեսների և համայնքային փառատոների կազմակերպում։ Ամենամյա ավանդական փառատոնների հանրահռչակման ուղղությամբ նոր մոտեցումներ։
• Մանկապատանեկան սպորտի աջակցություն՝ մարզական խմբակների զարգացման և մրցումներին մասնակցության հնարավորությունների ընդլայնում։
• Գյուղական բնակավայրերի ընդգրկում՝ մշակութային և մարզական միջոցառումների կազմակերպում նաև գյուղերում։
• Տեղական ստեղծագործողների և մարզիկների աջակցություն՝ նրանց գործունեության ներկայացման, ձեռքբերումների հանրայնացման և համայնքային ծրագրերում ներգրավման միջոցով։

Կիրականացնենք հասցեական սոցիալական քաղաքականություն՝ աջակցությունն ուղղելով առավել կարիքավոր բնակիչներին։

• Հասցեական աջակցություն՝ կարիքների գնահատման և հրապարակված չափանիշների հիման վրա համայնքային սոցիալական ծրագրերի իրականացում։
• Ընտանիքների աջակցություն՝ կյանքի դժվարին իրավիճակում հայտնված ընտանիքներին ըստ գնահատված կարիքների սոցիալական աջակցության տրամադրում։
• Տարեցների համայնքային մասնակցություն՝ մշակութային, կրթական և ժամանցային ծրագրերի կազմակերպում՝ նպաստելով ակտիվ կյանքին ու սոցիալական կապերի պահպանմանը։
• Հաշմանդամություն ունեցող անձանց ներառում՝ համայնքային ծառայությունների բարելավում հանրային տարածքների և միջոցառումների մատչելիության ապահովում։
• Համագործակցություն մասնագիտացված կառույցների հետ՝ սոցիալական ծառայություններ տրամադրող կառույցների և հասարակական կազմակերպությունների հետ համատեղ աշխատանք՝ աջակցությունն ավելի հասանելի ու արդյունավետ դարձնելու համար։
• Սոցիալական բնակարանային ֆոնդի ստեղծում՝ ապահովել կացարանով այնպիսի անձանց և ընտանիքների, որոնք չունեն սեփական բնակելի տարածություն և հայտնվել են անօթևան կամ սոցիալական ծանր իրավիճակում։

Համայնքի զարգացման ծրագրի իրականացումը կկազմակերպենք հստակ առաջնահերթություններով, բնակիչների մասնակցությամբ և արդյունքների վերաբերյալ կանոնավոր հաշվետվությամբ։

• Հասանելի համայնքապետարան՝ համայնքի ղեկավարի և պատասխանատու աշխատակիցների հետ կանոնավոր ընդունելություններ ու հանդիպումներ՝ նաև գյուղական բնակավայրերում։
• Բնակիչների դիմումների վերահսկելի ընթացք՝ դիմումների գրանցման, ընթացքի մասին տեղեկացման և պատասխանների տրամադրման հստակ համակարգ։
• Բաց բյուջե և հաշվետվություն՝ համայնքի եկամուտների, ծախսերի և իրականացվող ծրագրերի մասին տեղեկությունների հրապարակում՝ պարզ ու հասկանալի ձևով։
• Մասնակցային որոշումներ՝ կարևոր ծրագրերի և բյուջետային առաջնահերթությունների քննարկում բնակիչների հետ։
• Իրատեսական իրականացման պլան՝ յուրաքանչյուր հիմնական նախաձեռնության համար փուլերի, ժամկետների, պատասխանատուների և ֆինանսավորման հնարավոր աղբյուրների սահմանում։
• Արդյունքների տարեկան գնահատում՝ կատարված աշխատանքների, չիրականացված ծրագրերի պատճառների և հաջորդ տարվա անելիքների հրապարակային ներկայացում։
• Խոշոր շինարարական և ներդրումային ծրագրերը կիրականացնենք փուլային՝ անհրաժեշտ ուսումնասիրությունների, նախագծման և ֆինանսավորման ապահովման հիման վրա։ Ֆինանսավորման հնարավորություններին համապատասխան՝ առաջնահերթությունը կտանք բնակիչների անվտանգությանն ու առօրյա կյանքի բարելավմանն ուղղված աշխատանքներին։
• Աշխատակազմի գործունեության արդյունավետության բարձրացում՝ կներդնենք կատարողականի հիմնական ցուցանիշների (KPI) և արդյունքահեն վարձատրության ու խրախուսման համակարգ՝ համայնքային ծառայողների և աշխատակիցների աշխատանքի որակը, օպերատիվությունն ու պատասխանատվությունը բարձրացնելու նպատակով։
• Արդյունքահեն խրախուսում՝ իներցիոն պարգևատրման փոխարեն կկիրառենք անհատական և ստորաբաժանումների կատարողականի գնահատման վրա հիմնված, նախապես սահմանված և թափանցիկ չափանիշներով խրախուսման մոդել՝ օրենսդրության պահանջներին համապատասխան։